♥ ♥ ♥ ♥

يعنى أيه أنسي اللى فات

مين يقول أنى حبي فقلبي مات

لسه عايش حبي طايش

قلبي غرقان فى الآهات

بس ليا فكل يوم حكايه

مش بطل من جوا ذات

♥

أموت عادى ومش فارق

منا م الاصل مش عايش

مدام وحدى ماليا حبيب ولاصاحب

لانا مجنون ولا طايش

♥ ♥

ياليل ساكت ملوش لازمه 

ياقاتل قلبي جوه سكون

صباح بكره أكيد طالع 

ظلامك كله نص الكون

وأنا عايش بحب النور

ومش عابث ولامغرور

ولا بقلمى بعبي سطور

كلامى يحل ميت أزمه 

♫

♥ ♥ ♥ ♥

يافجر الحب مش طالع

مدام العشق مش نافع

مليش دافع اعيش حبك

وادينى طلعت من قلبك

لكن قلبي دا مبينساش

ولا عمره يبيع ببلاش

وانا عارف بانى رحت مش راجع

♥♥♥

ست البنات هيا 

وزيها دا مفيش

ضحكتها ورديه

بتقول لقلبك عيش

♥

مانيش راجع خلاص ليكي


وأنا حبيت من قبلك

ومين قبلك دا يملى القلب

عشان أنا احب بعديكى

♥

♥ ♥ ♥ ♥ ♥

فى البنات أنا شيلت هم

اللى فيهم حلوه شكلآ 

تبقي عايزه نقل دم

واللى روحها جميله فعلآ

لويا بوزها حياتها غم

  واللى عايشه ملغبطه 

طرحه فوق وجينس تحت

واللى موزه جامده جدآ

واللى بايعه وحافظه صم

البنات مليون حكايه

لو تعيشها تتوه ياعم

♥

وهحلم ليه 

مدام الحلم آصله حرام

وجنة حبي كات آوهام

وعهد العشق كله كلام

محدش منا باقى عليه

هحلم ليه 

هفوق نفسي صحى النوم

هشوف مره مين المظلوم

ومين فينا دا مجنى عليه

وهحلم ليه

♥ ♥ ♥

وسبي فيا فغيابى

وقولى عنى كان مجنون

ويشمت غيري فعذابي

هعيش عمرى وحيد فالكون

أنا الغلطان ياكتوكته

فى حد يحب فى شيطانه

تدوس ع الحب والعشره

وتطلع بردو كسبانه

وفعلآ انى اكون مجنون لو أنتى ضمن أحبابى

♥ ♥

وأقلك أيه مدام بايعه

هبوس رجليكي تستنى

وجمبك كات ساعات ضايعه

خلاص روحى بعيد عنى

♥

♥

ياليل مفتول دفاير بنت كتوكوته

نجومك فين وليه الضحكه مكبوته

جامعنا مع اللى بنحبه 

مغطى علينا بستاير

هوا طاير 

عليك تحكيلنا حدوته

♥

♥

ياساكنانى يادخلانى

ياعايشه فقلبي فمكانى

بحبك هعمل أيه تانى

وحتى فحلمى طول الليل

حبيبتى مانتى سيبانى

عايشلك انتى علشانك

ونفسي تعيشي علشانى

♥

♥♥

بحبك غصب عنى عشان مبكرهشي
♥
وحتى لو كلامى جنان ماينفعشي 
♥
ولو قولتى خلاص كرهاك ومش عايزاك
♥
خلاص وأمشى 
♥
هحبك أصلى مقدرشي

حبك حلم ♥

أمسك فيه بايديك وسنانك 

وأنسي الظلم ♥

خلى حبايبك يبقو جنانك ♥

♥

حبيبتى الكل عارفينها

نهار طالع بضحكتها

ويوم الشمس ماشافتها

غروبها يدارى كسفتها

حبيبتى كل يوم كلمه

دا اجمل م القمر نسمه

عايشها لوحدى قصتها

وحتى لو فيوم بعدت

هعيش على ذكرى حبيتها

#حبيبتى  ♥

♥

حاولت أنساكي مش قادر

عايش وخلاص لانا ناسي ولافاكر

حبيبتى البعد مش عادى دا وقت يعدى ع الفاضى

أنا اخرى أكيد جمبك ودا مخلينى أنا صابر 

♥

غمامه وتوهه فالعتمه 

ملوش لازمه 

كلام فى كلام

فى ناس بتحب فى الضلمه 

وناس تانيه فنورها تنام 

وعايشين الحياه كلمه

وتصبح ذكري دى الايام

♥

أنا الحاكى

 والف حكايه هتعدى وهحكيها

ومين سامع حكاوى زمان

هقول غنوه وكام كلمه بغنيها 

بدون آالحان

أنا الفاكر ومش ناسي

بقولها بكل إحساسي 

بحب بكل معانيها

وهحكيها

♥

وحبيت الحياه فيكي 

وعايش عمرى علشانك

بحب الدنيا لو ليكي

ياشمس وطالعه فى مكانك

تنور للبشر دنيا

وتدى للقمر حبه

ولو فى الليل بتتخبي

بتتطلع تانى م الاول

دا حب الدنيا فعنيكى 

بحبك ♥

♥♥♥

لما يكون الحلم حرام اوعى تحب

لما الحب يكون أوهام تعب القلب 

أرجع تانى وفكر حبه حط لكل حكايه اساس

يوم مايكون الجرح هوايه عند الناس

ادعى عليهم قولها يارب

واوعى تحب

♥♥

كل يوم من بعدى عنك

 مش بحاول انى انسى

لا بحاول افتكر

افتكر لوحتى همسه 

ايوه ليكى انا بعتذر

بعتذر انى فقير مش معايا

عمرى يوم ماهكون امير 

بس ضعفى ماكنش غايه

اسف انى فيوم حلمت

لوعرفت ماكنت نمت

خلى قلبك ينسي حبى لو قدر

♥

ومن أمتى 

يكون العشق شكل العند

يكون الحل جوه البعد

يهون الحب يوم حتى

دا من أمتى

نهاية الحب يبقى خصام

وناس تسهر تعد نجوم وغيرها ينام

وناس غرقانه فالاحلام 

عقول من فكرها شاته

ومن أمتى

♥♥

حبه حبه مش حكايه

دى المحبه مش خطايا

عايزه عنى تبعدى أبعدى

 بس ما تلفيش ورايا

وأما تيجي مره سيرتى

بصى وشك فالمرآيا

♥

♥♥♥♥♥♥♥♥♥♥♥♥

عايزه يعنى تكرهينى 

أسمعى عنى الكلام وصدقيه

وأوعى مره ترجعيلى 

تسئلينى إزاى وليه

مانتى راسيه ع اللى فيها

إحنا ناس عارفه ماضيها 

روحى وامشى خلاص سيبينى

♥♥♥♥♥♥♥

حب أيه من غير أمل 

جسم يعنى بدون دماغ

يعنى جايز محتمل 

كل وقته عمر ضاع

فالبعاد كان لينا زاد

من مهانة الوداد

أصلى مش عايش حياتى

شكلى معمولى عمل

♥♥♥♥♥♥

وياما العشق سوانى

وجبنى فيوم وفجاءه فيومها ودانى

 ولافارقه

منا أتعودت ع الفرقه

يارب تكونى مرتاحه

ومش بالاسم نسيانى

♥ ♥ ♥ ♥ ♥

ودا العادى تعدى حكايه ع الفاضى

وأشوف غيرها ولو ملاقيش

لوحدى هعيش ودا العادى

وطول عمرى هعيش راضى

♥ ♥

صعب جدآ

لو تشوفو فيوم معدى

سهل جدآ

لو تقول إنك نسيت

صعب جدآ

تيجى قدامه وتهدى

سهل جدآ

تبقي من حلمك صحيت

♥♥

بكره كل ده يعدى

تفتكر وتقول ياريت

♥

♥♥♥

يالى حبيتى الهروب

الحكايه ماأنتهتش

قربي منك كان يادوب

فالنهايه ما أبتدتش

♥♥♥♥♥

♥♥♥♥ بحبك

بحبك رغم عن نفسك

وعن ناسى وعن ناسك

بحبك كل يوم كلمه

واحبك فالربيع ورده

وحابب انى اكون جمبك باحساسي واحساسك


وبتكلم مع نفسي عليكى كتير

ولما تهمسي همسه فنفسي بغير

واروح وارجع من الشارع


واشوف وشك واشوف النور

ونفسي افضل قصاد بيتك

سنين وشهور

واشم العطر من نسمه تهل وتيجى على خدى

تبصيلى تحنيلي بضحكه جميله مين ادى

انا عاشق

كلامهم عنى مش فارق


انا حابب باخد حقى مانيش سارق

ومش هجري خاطف نظره تزيد شوقى

هكمل عمرى وياكى

وهرمى همومى جواكى

تضمينى تحبينى

دا انتى حبيبتى شرع الله تكمل نص من دينى


وانا روحى فدى لحظه اعيشها فقرب من قلبك


بحبك غصب عن نفسك


المدون المصري



كتبتها لاغلى حد فحياتى #حبيبتى وروحى وعمرى وكل ماليا اللى هفضل احبها طول عمرى#بحبك

♥

بحبك واعمل ايه يعنى

ومين م الحب يمنعنى

وهفضل احب طول عمرى

لحد ماهيا تسمعنى

تحس بشوقى وهوايا

عذابى اصله مش غايه

لكن قلبى مضيعنى 

♥ بحبك

♥♥

وجايه تقولى نبعد 

مانا نفسي اقولهالك 

على ايه تبكينى 

روحى ابكي على حالك 

ياصغيره ع الحب 

روحى شوفى قبلك مين

دلوقتى فاضي القلب

هيخشه ناس تانين

ناس قادره وتضحى

مش ناس تبكي العين

♥

يافاكره العشق ضعف وخوف 

ياناكره الحب والمعروف 

دى دنيا العشق جنة ناس

ومين يقدر بيدخلها

مبيقولش لازم نبعد عشان دى ظروف

♥♥

دا لو حبيت 

متسمعش لكلام الناس وتتضايق

وتعمل فيها مش رايق 

وتضرب بوز وتعمل فيها قال زعلان

وتيجي تقول أنا الغلطان

دانا حضنى فعز الغربه يصبح بيت 

دا لو حبيت

♥

زى ماتكون بردو مت

ألف ميت مليون حساب

يوم فراقنا يوم مارحت

أيوه خايف م الغياب

أبتدينا وانت كنت 

وانتهينا بالعذاب

♥

أرض قلبي أرض بور

جافه من هجر الحبايب

كله داخل دور ودور

قلبي شمس بنوره غايب

♥♥

يالى شفتى ان النهايه 

إننا لازم نروح

فاكره لما يوم هنبعد 

مش هيفضل لينا روح 

واللى يبقي ذكريات 

فاتحه كل يوم جروح

♥♥♥♥

أنا مالى ومال أهلى

مدام حبيتى تستاهلى

وتبكي ولا مااااااتبكيش

لوحدى هاعيش

لحد ما خلتى تندهلى

♥♥

يعنى لازم تهربي 

كنت م الاول قصادى

مين اللى قالك قربي

ولا يعنى شكلى حلو من بعيد

لما أقرب ببقي عادى

أوعدك هرجع وحيد

وأنتى روحى وجربي

 

♥♥♥

يالى نازله فقلبي فحت

فوق وتحت 

حبه حبه 

انتى فاهمه دى المحبه 

تبقي هبله 

قربي بس وتعالى 

اصلى موجه فبحر عالى 

بس بكره هكون مسحت

♥♥

كل مره بقول كفايه

والغى قلبي من القاموس

أصل حبي فعمري غايه

بس مربوط بالفلوس 

يبقى أبطل انى أحب

ربنا يهدى النفوس

♥

حبوته كبوته

مجنونه مسخوطه

جنانى بنت الايه 

وحاببها معرف ليه

ودى عمله كتكوته 

لكنها فالاصل بالحب مخووته

♥♥

عامله قلبي أهرامات

داخله طالعه بتسكره

حاكيه عنى للبنات

بكفياكى مسخره

♥♥♥

أوعى تحكي عن اللى فات

اللى كان مابينا عادى

كله أصبح ذكريات

جمب أسمى (قلب فاضى)

♥♥

من كتر كلامى عنك

حسدوكى علشانى 

لو قربو منك لو شافو يوم حبك 

هيلفو من تانى

♥

ياللى حبك لغبطه 

حبي غيري وأرحميني 

سايقه فيها العفرته

بس بقي طلعتى عينى